गौरीशकर क्याम्पसको विकासका लागि पूर्व विद्यार्थी समाजले अभियान थाल्ने

Advertisement

उच्च शिक्षाको क्षेत्रमा अग्रणी मानिएको गौरीशकर वहुमुखी क्याम्पस चरिकोट दोेलखाका पूर्व विद्यार्थीहरुको भेलाले पुर्व विद्यार्थी समाज तदर्थ समिति गठन गरेको छ । पुर्व विद्यार्थी श्रीकृष्ण दहालको संयोजकत्वमा ३० सदस्यीय तदर्थ समिति गठन गरिएको हो । गौरीशकर वहुमुखी क्याम्पसको समग्र शैक्षिक,भौतिक एवं आर्थिक विकासमा सहयोग पु–याउने उदेश्यले समाजको स्थापना गरिएको समाजका तर्दथ समिति अध्यक्ष दहालको भनाई रहेको छ । शनिवार विहान काठमा(ण्डौमा वसेको वैठकले क्याम्पसको समग्र विकासमा केन्द्रीत हुदै विभिन्न निर्णय गरेको छ । गौरीशकर वहुमुखी क्याम्पसमा अध्ययन गर्ने विद्यार्थीले क्याम्पसको व्यवस्थापन र सम्वृद्धिका लागि सहयोग सङकलन गर्ने र क्याम्पसको वार्षिक दिवसको अवसर पारेर हस्तान्तर गर्ने,पूर्व विद्याथीैहरुलाई एकत्रित गर्न पुर्व विद्यार्थी सामाजिक सञ्जाल मार्फत तथ्याङ सकलन गर्ने,समाजका वारेमा प्रचार गर्ने र यही फागुन महिनामा वृहत भेलाको आयोजना गरी क्याम्पसका लागि सहयोग सङकलन अभियान सञ्चालन गर्ने निर्णय भएको भेला कार्यक्रमका समन्वयकर्ता एवं क्याम्पस सञ्चालक समिति सदस्य अमृत राउतले जानकारी दिनुभयो । भेलाले गौरीशकर वहुमुखी क्याम्पसलाई उच्च शिक्षाको आधार वनाएर शैक्षिक,प्रशासनिक,राजनितिक एवं अन्य स्थानमा पुगेका पुर्व विद्यार्थी विच छलफल गरी गौरीशकर क्याम्पसलाई नमुना क्याम्पसको रुपमा विकास गर्न अभियान चलाउने समाजको लक्ष्य रहेको तदर्थ समिति अध्यक्ष श्रीकृष्ण दहालको भनाई रहेको छ । विस २०३८ सालमा स्थापित यो क्याम्पस जिल्लाकै एकमात्र स्नातकोत्तरसम्म अध्ययन हने क्याम्पसका रुपमा परिचित छ । हाल मानविकी, शिक्षाशास्त्र र व्यवस्थापन संकायका कक्षा ११ तथा १२, स्नातक तहका शिक्षा, ब्यवस्थापन तथा मानविकी र स्नातकोक्तर तहसम्म शिक्षा अंग्रेजी, नेपाली र भ्एः विषयमा अध्ययन हुँदै आएको छ । विद्यार्थी सङ्ख्याको आधारमा अध्ययन गर्ने भवनको अभाव झेल्दै आएको क्याम्पसमा जनसहभागितामा आधारित भवन निर्माण कार्य पहिलो तल्ला निर्माण कार्य सम्पन्न भएको छ । महायज्ञमा संकलित रकमसहित सांसद विकास कार्यक्रम, जिविस र व्यक्तिहरुको सहयोगमा निर्मित एकतले भवनमा कक्षा संचालन भएको छ ।

Share This